Hazrat Muhammad Murad Ali Khan Rahmatullah Alayh

 

Hazrat Abu Ali Farmadi

Rahmatullah Alayh

 

Aap ka naam Qaseel Mohammad bin Mohammad hai.Toose ke qareeb Farmad nami qasba mein aap ki wiladat 434  Hjri ko hui. Tareeqa Alia Naqshbandia  mein Hazrat Khwaja Abu al Qasim Gargani Rahmatullah Alayh   se baet hue lekin awaisi tour par Hazrat Abul Hassan Kharkani Rahmatullah Alayh se faizyab hue. Aap ke sahib kamaal honay ke liye yeh daleel kaafi hai kay Hujah tul  Islam Hazrat Imam Mohammad Ghazali Rahmatullah Alayh   aap ke mureed aur tarbiyat Yafta thay .

 

 

 

 

 

 

 

 

 

 

 

 

 

Mashhoor hai kay Hazrat Sheikh abu Saeed abul Khair se eradat  rakhnay walon mein se chalees walii Allah hue hain. Un mein se aik Sheikh ul salam Hazrat Jami Rahmatullah Alayh  aur dosray Sheikh  Abu Ali Rahmatullah Alayh mashhoor hue hain .

Aap farmatay hain kay mein aik roz madrassa mein apne kamray mein betha howa tha keh mere dil mein Hazrat Sheikh abbu Saeed abul Khair Rahmatullah Alayh  ki ziyarat ki tamanna peda hui. Un dinon Sheikh abu Saeed abul Khair  Nisha pur tashreef  laaye hue thay. Be qarari mein mein uth kar bahar chala gaya. Jab chowk mein pouncha to dekha kay Hazrat Sheikh abbu Saeed abu Khair  aik bari jamaat ke sath tashreef  le ja rahay hain. Mein bhi un ke peechay ho liya. Aik jagah pahonch kar tashreef  farma ho gaye to mein bhi aik kona mein baith gaya jahan Hazrat Sheikh abbu Saeed abu Khair ki nazar mujh par nah padtee thi .

Mehfil Samaa shuru hui aur Hazrat Rahmatullah Alayh ko wajad agaya. Haalat e wajad mein Hazrat Sheikh abbu Saeed abu Khair ne apne kapray taar taar kar liye. Jab Hazrat Sheikh abbu Saeed abu Khair  wajad ki kafiat  se bahar aaye to mureed aap ke labaas ke tukre tabarook ke tour par lainay lagey. Hazrat Sheikh abbu Saeed abu Khair ne aik aasteen apne haath mein pakri aur aawaz di kay ae abbu Ali Tusi kahan ho. Mein ne is khayaal se jawab nah diya kay Hazrat Sheikh abbu Saeed abu Khair  mujhe pehchante nahi hain neez mein un ke samnay bhi nahi aur shaed un ke kisi mureed ka naam bhi Abu Ali  hoga. Aap ne doosri aur jab teesri baar aawaz di to mein samajh gaya kay aap mujhe hi pukaar rahay hain. Mein aap ke samnay haazir howa  aap ne woh aasteen mujhe marhamat farmai aur farmaya kay yeh tera hissa hai. Foran mere qalb mein roshni zahir hui aur phir roz baroz is mein izafah hi hota gaya .

Jab Hazrat Sheikh abbu Saeed abu Khair  Nisha pur se tashreef  le gaye to mein Hazrat Shaikh  abu al Qasim Qashree Rahmatullah Alayh  ki khidmat mein haazir howa aur apni kefiyat bayan ki aap ne farmaya mubarak ho. Is ke baad teen saal tak husool ilm mein masroof raha. Aik roz mein ne qalam dawaat mein daali to woh safaid bahar niklee. Mein woh qalam utha kar apne ustaad Hazrat Shaikh  abu al Qasim Qashree Rahmatullah Alayh  ke paas le gaya aur apni haalat bayan ki. Hazrat Shaikh  abu al Qasim Qashree Rahmatullah Alayh  ne farmaya kyunkay qalam ne tujhe chhorr diya hai lehaza tum bhi yeh kaam chhorr doo aur tareqat ke kaam mein masroof ho jao .

Aik din Hazrat Shaikh  abu al Qasim Qashree Rahmatullah Alayh   hamaam mein ghusal kar rahay thay. Mein ne uth kar kunwein se pani ke kayi doll laa kar hamaam mein daal diye. Jab Hazrat Shaikh  abu al Qasim Qashree Rahmatullah Alayh   hamaam se bahar aaye to daryaft kya yeh kon tha jis ne hamaam mein pani ke doll daaley. Mein ghabra gaya kyunkay yeh harkat mein ne ki thi. Aakhir jurat karkay arz ki Hazrat yeh mein tha. Is par Hazrat Shaikh  abu al Qasim Qashree Rahmatullah Alayh  ne farmaya ae  Abu Ali jo mein ne satter saal mein paaya to ne pani ke aik doll se woh sab kuch pa liya hai .

Is ke baad kuch arsa tak Hazrat Shaikh  abu al Qasim Qashree Rahmatullah Alayh   ke zair saya Mujahida karta raha. Aik roz mujh par aisi haalat taari hui kay mein is mein gum ho gaya. Mein ne yeh waqea Hazrat Shaikh  abu al Qasim Qashree Rahmatullah Alayh   se arz kya to unhon ne farmaya ae Abu Ali sulooq mein meri bhaag dor is maqam se oopar nahi aur jo kuch is maqam se ooper hai is tak meri rasai nahi .

Hazrat Shaikh  abu al Qasim Qashree Rahmatullah Alayh  ki ijazat se aap Hazrat Abu al Qasim Garghani Rahmatullah Alayh ki khidmat mein haazir hue. Aap Rahmatullah Alayh  khud farmate  hain ke mein Toos  mein Hazrat Abu al Qasim Garghani Rahmatullah Alayh  ke paas hazir huwa  to woh is waqt muraqbe mein thay. Aap ne sar uthaya aur farmaya ae  Abu Ali ao kya chahtay ho? Mein ne salam ke baad halaat arz kiye. Aap ne farmaya tumhin yeh ibtida mubarak ho go tum kisi darjay par nahi puhanche lekin agar tarbiyat pao  ge to barray darjay pao ge .

Is ke baad Abu Ali Rahmatullah Alayh farmatay hain ke unhon ne mujhe terhan terhan ki riyazat aur Mujahida karaya phir aik waqt aaya kay unhon ne apni Sahebzadi ka nikah mujh se karkay apni damadi mein le liya .

Is ke baad sulooq  o takmeel ki manzil tay karne ke baad Hazrat Abu al Qasim Garghani Rahmatullah Alayh  ne asp Rahmatullah Alayh  ko waiz karne ki ijazat day di. Hazrat Abu Ali Rahmatullah Alayh  farmatay hain kay mein ne Hazrat Abu al Qasim Garghani Rahmatullah Alayh se beshemaar faiz  paye magar dil ki khwahish rooz barooz bharti jati thi. Is liye Hazrat Abu al Hassan Kharqani Hazrat Abu al Qasim Garghani Rahmatullah Alayh khidmat mein hazir ho gia aur  behad  fayooz o barkaat se mustafeed huwa.

Aap Rahmatullah Alayh ka wisaal 4 Rabiey al-awwal 511 Hjri ya 477 Hjri mein Iran ke mashhoor shehar Toos  jisay aajkal Mashad kaha jata hai, mein howa. Anaa lillah wana ilaihi rajiun. Aap ka mazaar Toos  yani Mashad mein ziyarat gaah khaas o aam hai